வானும் மண்ணும் நம் வசமே – தொடர் 01
வானும் மண்ணும் நம் வசமே
(தன்முனைக் கவிதைகள்)
நஸீரா எஸ்.ஆப்தீன் BA, MA ( Pub. Administration ) BA,
ஓய்வுபெற்ற பிரதிக் கல்விப் பணிப்பாளர்
ஏறாவூர், இலங்கை.
விரித்த புத்தகம்
மூடப் படுகின்றது.
காட்சி மாற்றத்திற்காக
இமைகள் திரையிட்டதால்.
***
ஒன்றை யொன்று
துரத்திக் கொண்டேயிருக்கின்றன.
காதல் வயப்பட்ட
வண்ணத்துப் பூச்சிகளிரண்டு.
***
நுளம்புப் பூச்சிகளுக்கும்
அறிவு பெருகி விட்டன.
கற்பவர்களின் இரத்தம்
உடம்பினுள் ஓடுவதால்.
***
இரவு பகலாய்க்
கதறி அழுகின்றது.
இணையை இழந்த
சிட்டுக் குருவியொன்று
***
ஓடுகின்ற பஸ் வண்டியை
மெல்ல எட்டிப் பார்க்கின்றது.
இருண்ட மேகத்துள்
மறைந்திருந்த நிலவு.
***
அகன்ற பெரு வீதியில்
சிதைந்து கிடக்கின்றன.
போட்டி போட்டுப் பயணித்த
இரண்டு பேரூந்துகள்.
***
This writing is the work of Nazeera, who is solely responsible for its content. The views in it are the author's own and not those of NEERMAI. Writer responsibility · Report a concern
Encourage the writer
This week: write about a letter you never sent
A poem, a story or a few honest lines. Every entry is read by our team.
Start writing
NEERMAI