தினசரி என் கனவுகளில்
வந்து போகும் நீ !
ஓரிரு தினங்களாய்
வர மறுப்பது ஏனடா ?
அன்பே……!
என் மீது ஏதும் கோபமா ?
முந்தைய நாள் இரவில்
முத்த மழையில் நனைய மறுத்ததால் இந்த கோபமோ ?
இல்லை,
ஆழியின் ஆழத்தில்
முத்தெடுக்கும் உன் முயற்சியை தடுத்து நிறுத்தியதில்
எழுந்த கோபமோ …?
இன்னுமொரு இரவு வரும்
அந்த இரவிலும் கனவு வரும்
கனவினில் கண்களின்
வழியே வந்து
மூச்சு மட்டுமளவு
முத்தமிட்டுக் கொள்
மறுக்க மாட்டேன்
கனவினில் முளைத்த
காதல் என
கணப் பொழுதினில்
கலைந்து விடாதே
கண்களை திறந்தும்
கனவு காண்கிறேன்
நிஜத்திலும் உன்
செல்ல கோபங்கள்
தொடர வேண்டும்…!
