பாலருந்தும் – அது ஊண் பிரித்த உதிரத்தின் உதிர்வென்றெண்ணாது..
களிவளர் முட்டையின் கருவுண்ணும் – அது கலந்த இனிப்புண்ணும்..
புலால் மறுத்துப் புராணம் பேசும் – உதாரணம் நூறு காட்டும்..
கொலைத் தொழில் கூடாதென கலை நிகழ்த்தும் -அத்தொடு எலி பல துரத்தும்…
கடிக்கும் கொசுவினை அடித்துக் கொல்லும் – பூச்சி இனத்தை மிதித்தழிக்கும்…
சீனியில் ஒளிந்த எறும்பை உருக்கித் – தேநீராய்ச் சுவைத்துப் பருகும்.
வள்ளுவன் புலால் மறுப்புக்கும் முன்னே சொன்னது கொல்லாமையென்று அறிந்திடாத,
சைவப்பூனை -ஆம் அ(து)சைவப்பூனையாம்..
