அன்பும் அறிவும்
அழகாய் கலந்து
அரவணைப்பு எனும்
அணைப்பும் தந்து
அதிசயமாய் கிடைத்த
அற்புதம் அப்பா
ஆசைகள் தவிர்த்து
ஆடம்பரம் அகற்றி
அழு குரல் கேட்டவுடன்
அதிகமாய் துடித்துவிடும்
அழகான நேசம் அப்பா
அரும்பும் மௌனங்களின்
மொழி மெல்ல அறிந்து
ததும்பும் கண்ணீரின்
காயங்கள் தனையகற்ற
அற்புதமாய் கிடைத்த
ஓர் அதிசயம் அப்பா
அதிகமாய் பாசங்கள்
தூரலாய் சில கோபங்கள்
அனைத்திலும் என்றும்
அன்பின் சொற்பதம் நீ அப்பா
பத்துமாதம் சுமந்த தாயை
பக்குவமாய் தான் சுமந்து
பரிதவிக்கும் அவன் அன்பு
பலதாய்களிடமும் தோற்கிறது
இத்தனைக்கும் மேலேயும்
எழுத உண்டு பல வரிகள்
இருந்தபோதும் முடிந்துவிடும்
வரிகளினுள் காலங்களாய்
அவன்மேல் நான் கொண்ட
அழகிய அந்த பாசங்கள்
இடைவிடாத இம்சைகளாய்
தொடரவேண்டும்
எப்பொழுதும்……
