ஆத்மார்த்தம் தொலைத்த புன்னகை

சில நேரம் நாம்
புன்னகை ஆடையை 
எடுத்து தன் மேல்
போட்டு கொண்டு
நடமாடுகிறோம்….

ஆடை தன் உடலை
மறைப்பது போல
அவரவர் கஷ்டத்தையும்
மறைத்துக் கொண்டு
இயந்திரத் தனமான
போலிப் புன்னகையை
உதிர்த்து விட்டுச்
செல்கின்றோம்….

அந்தப் புன்னகை
அழுத்தும் கவலையையும்
ஆறாத புண்ணையும்
மறையா வடுவையும்
தீராப் பிரச்சினையையும்
கொல்லும் வலியையும்
சுமந்திருப்பதை நொடியில்
மறைத்து விடுகிறது….

இப்படி மாயப் புன்னகையில்
இருப்பவர்கள் யாரும்
தன் ஆத்மார்த்தமான
புன்னகையை சிந்துவதில்லை என்பதே நிதர்சனம்!

ஹஸீதா அபுசாலி
பொத்துவில்