தேவைதானா இந்தக்காதல்

நித்தம் உனை எழுப்பி விட்டு
முற்றம் தனைத் தான் கூட்டி
காலை முதல் உணவதனை
விதவிதமாய்ப் பதமாக்கி
தயவாய்த் தான் அளிக்கும்
தாயவள் இருக்கையிலே
தாரமொன்று தேடி அலைவது
தரமான செயலொன்றோ

சொந்தங்கள் ஆயிரம்
சோறுபோட இருந்தாலும்
பந்தம் ஒன்று தேடி
பலநாள் அலைவது
பண்பான செயலொன்றோ

பட்டம் வேண்டி படிப்பவனை
மனம்மாற்றி மட்டமாக்கி
திட்டமிட்டு குடிக்க வைக்கும்
தீராத காதல் கொண்டு- பின்
பிரிந்து போன கதை எல்லாம்

காலம் வந்து கைகூட
காதல் வந்து கைசேரும்
காதல் எனும் உணர்வு ஒன்று
தேவை எனின் தேடிச்செல்
இல்லை எனின் பொறுத்துக்கொள்
கடைசிவரை காத்திருந்தால்
கனிவான காலம் வரும்
வலிந்து சென்று வர வைத்தால்
நலிந்து போகும் கல்யாணம்