தரிசு நிலம் தனில்
அரிசு மணிகளிட்டு
பரிசு கிடைக்கு மென்றவாவில்
மரிசு மடிதனில் உறங்கிக்கிடக்கிறான்
அவன் எரிசுடர் ஏற்றிவிட்டு
திரிசுடர் ஒளிகாணும்
பெருசு
அவன் கண்களுக்கு
பரிசு
கிடைப்ப தென்னவோ பெரிசு
அம்மணமாய் கிடந்த
தரிசில் ஆடைகள்
உடுவித்து அழகு பார்க்க எத்தனித்தவன்
மனசில் நித்தமும் துரிசு சூழும்
இடுப்படி கிரிசும்
கீறும் மொத்தமாய்
கரிசு புனைந்தவனாய் பெருசு
அவன் சிரசு களைந்து
பித்தனாய்
பேதனாய் – இரவில்
பேயாக அலையும் சீதனாய்
கிறுக்கு பிடித்து
அரளி விதையுண்டு இறந்து கிடப்பான்
ஏர் பிடித்து
உழுது முடித்து
உணவாக்கித்தரும் அவனுக்கு
இதைவிட விட வேறுவழியில்லை
எடுத்தெரித்து
அவன் செயல் குறித்து
அனுதாபம் கொள்ளும் அரக்கர்கள்
அவன் வலி உணர்வதில்லை…!
உணர்ந்ததில்லை…!
இனி உணரப்போவதுமில்லை…!
விளக்கச் சொற்கள்
மரிசு – வரம்பு
தரிசு – பயிர் செய்யாத நிலம்
துரிசு – துன்பம்
கிரிசு – குறுவாள்
கரிசு – பாவம்
சீதன் – சந்திரன்
