அனுபவப் பகிர்வுகள்

அந்த ஏழு நாட்கள்!!

Picture added by the writer, பேரின்பராஜா சஜீத்தன், who is responsible for it. Is this picture yours? Tell us and we will remove it.

“அய்யோ வயிறு நோகுதே… தல சுத்துது… 5 நாளா டொய்லெட் போகல்ல… மூச்செடுக்க ஏலாம இருக்கு… என்னய அட்மிட் பண்ணுங்க.. அட்மிட் பண்ணுங்க”..
இப்பிடி கத்திய நிலையில் தான் அவரை முதல் தடவை பார்த்தேன்!
அப்போது காலை 10மணி இருக்கும்!

வழமையா கடுமையான வலியோட வரும் நோயாளிகள், ஏதாவது மருந்து தருமாறு கத்துவார்களே ஒழிய, அட்மிட் பண்ணுமாறு கூறமாட்டார்கள்! அப்பவே ஆறுமுகம் அலார்ட் ஆயிருந்தான்னா, இந்த சம்பவமே நடந்திருக்காது!

அவரை பரிசோதனை செய்தோம்!
எல்லாம் முன்னுக்குப் பின் முரணாகவே இருந்தன.. வலது புறம் வயிறு நோகுது என்றவர், இடது புறம் வயிற்றை அழுத்தும்போது கத்தினார்!
காய்ச்சல் என்றார், டெம்பரேச்சர் நோர்மலாக இருந்தது!! இப்பிடி பல…
எல்லாம் முடிந்து அட்மிட் பண்ணினோம்!

அதன் பின் அவர் நன்றாக தான் இருந்தார்! டொக்டர்ஸ் கிட்டப் போகும்போது மட்டும் அவருக்கு கடுமையான வயிற்று வலி வந்து விடும்!
யாருடனும் பேச மாட்டார், யாரும் அவரைப் பார்க்க வருவதுமில்லை!

ஒருநாள் பக்கத்து கட்டிலில் இருந்த ஒரு நோயாளியை பார்க்க வந்திருந்த சிறு குழந்தையை ஏக்கத்துடன் பார்த்தவாறு அமர்ந்திருந்தார். பார்க்க பாவமாக இருக்கவே, அருகில் சென்று சும்மா பேச்சுக் கொடுத்தேன்!
அவர் தற்போது ஒரு வயோதிபர் மடத்தில் இருக்கிறார் என்றும், மனைவி இறந்துவிட்டார், பிள்ளைகள் கவனிப்பதில்லை என்றும் கூறினார்!
அப்போது இரவு நேரம்! நாங்கள் காலையில் ஃபோர்மல் உடையிலும், இரவில் casual உடையிலும் போவது வழக்கம்!

என்னைப் பார்த்து, ” டொக்டர், நீங்க தமிழா” என்று கேட்டார்.நானும் ஓம் என்றேன். ” உங்கள போலயே ஒரு சிங்கள டொக்டர் காலையில சேர்ட், டை எல்லாம் கட்டி வருவார்.. உங்கட சொந்தமா” என்று கேட்டாரே… அதுவரைக்கும் முதல் வசனம் பேசிய உடனேயே பேஷண்ட்ஸ் நான் தமிழ் என்று கண்டுபிடித்து விடுவார்கள், முதன்முதலாய் ஒருவர் நமது “சிங்களப் புலமையை” ஒத்துக்கொண்டிருக்கிறாரே என்ற மகிழ்ச்சியுடன், ” அதுவும் நாந்தான் ” என்று புளகாங்கிதத்துடன் கூறினேன்!
அன்றிலிருந்து அவர் என் நண்பராகிப் போனார்!
எனினும் அவரது முறைப்பாடுகள் தான் முடியவில்லை!

அவர் வந்ததிலிருந்து ஏழாவது நாள்!
அவரது எல்லா முறைப்பாடுகளும் முற்றுப்பெற்றன!
எல்லா வலிகளும் அடங்கி விட்டன!!
காய்ச்சல் இல்லை.. தலையிடி இல்லை.. வயிற்று வலி இல்லை..!!

ஆம்..!! அவர் இறந்து விட்டார்….

அப்பிடியெண்டு முடிப்பன் எண்டு நினைச்சீங்களா.. ஏமாந்துட்டீங்களே!!
அவர் 200% உயிரோட தான் இருந்தார்!
உண்மையிலேயே அவரது எல்லா வலிகளும் நின்று விட்டன!

அதன் பின் டிஸ்சார்ஜ் பண்ணி அனுப்பும் போது ” எப்பிடி திடீரெண்டு சுகமாகுன நீங்க” என்று கேட்டேன்!
கிழவர் பலே ஆசாமி! யாரிடமும் சொல்லக்கூடாது என்று கேட்டு விட்டு,
” டொக்டர் நான் முதியோருக்கான உதவிப்பணம் எடுக்கிற நான்.., ஏழு நாள் ஆஸ்பத்திரில இருந்தா மேலதிக பணம் கிடைக்கும்! இப்பிடி நாலைஞ்சி தரம் வேற வேற ஆஸ்பத்திரில அட்மிட் ஆகி காசு எடுத்திருக்கன். இங்க இதான் முதல் தரம்” என்று ஒரு வில்லச் சிரிப்பு சிரித்து விட்டு சென்றார்!!

இப்பிடிக் கூட நம்மள யூஸ் பண்றாய்ங்களே என்று கடுப்பாவதா, இல்லை ஒரு 80 வயது முதியவரை நோயாளியாக்கி, பணம் பெறவைத்த சமூகத்தை எண்ணி வேதனைப்படுவதா என்று தெரியாமல் அடுத்த பேஷண்டைப் பார்க்கச் சென்றேன்!
வேறென்ன செய்ய!..!!

This writing is the work of பேரின்பராஜா சஜீத்தன், who is solely responsible for its content. The views in it are the author's own and not those of NEERMAI. Writer responsibility · Report a concern

Encourage the writer

Comments

Join the conversation

Become a reader on NEERMAI, free, and be part of a kind and safe community of writers and readers.

  • Leave kind comments and replies
  • Encourage writers with kind words
  • Follow the writers you love
  • Chat with writers, safely
Join free as a readerSign inFree, and it takes about a minute.

Enjoyed it? Share it with a friend
Writing prompt

This week: write about a letter you never sent

A poem, a story or a few honest lines. Every entry is read by our team.

Start writing

Your voice belongs here

Have a story of your own?

Join 172 writers sharing stories, poems and articles on NEERMAI. Write in any language, from your phone, in a safe and kind community.

  • Your own writer profile
  • Readers, followers and kind words
  • Every post checked with care
Become a writerFree. It takes about three minutes.

More from பேரின்பராஜா சஜீத்தன்

பசபேரின்பராஜா சஜீத்தன்15 Jul 2019

பரிணமிக்கும் எதிரிகளும், ஆயுதமேந்திய நிராயுதபாணிகளும்

அது ஒரு வளமான நாடு!சிறந்த அரசன்!மக்கள் தன்னிறைவுடன் வாழ்ந்து வந்தனர்.திடீரென எங்கிருந்தோ அடையாளம் தெரியாத அந்நியரின் படையெடுப்பு நிகழ்ந்தது!கொத்துக்கொத்தாக மக்கள் மடிந்தனர்.இவர்களும் தங்களிடமிருந்த அம்பு, வேல், ஈட்டிகளை ஏவினர், படையெடுப்பை வென்றனர். வென்ற மதப்பில், அதன்…

ஆய்வுகள்5 min read
பசபேரின்பராஜா சஜீத்தன்5 Jul 2019

ஹலோ டாக்டர்….?!

..................... ( புள்ளிக்கோட்டில் பிடித்த ரிங்டோனை நிரப்பிக் கொள்ளவும்).போன் ரிங்க, எடுத்தால் தெரியாத இலக்கமொன்று திரையில் மின்னியது. "ஹலோ""ஹலோ, சஜீதன் டொக்டரா""ஓம், சொல்லுங்க, நீங்க?"" நான் ரமணி அன்ரி, ஞாபகம் இருக்கா, உங்கட அம்மாவோட வேல…

அனுபவப் பகிர்வுகள்3 min read
பசபேரின்பராஜா சஜீத்தன்17 Jun 2019

பிரம்மாஸ்த்திரம்

கிளினிக்குக்கு புது நோயாளி ஒருவர், ஒரு மருத்துவரின் துண்டுச்சீட்டுடன் வந்திருந்தார்." டியர் டொக்டர், உயர்குருதி அமுக்க நோயாளியான இந்த 62 வயது பெண்மணியின் ஈசீஜீயில் கோளாறு இருக்கிறது. மேலதிக பரிசோதனைகள் தேவை. ஆவன செய்யவும்"இதுதான் சீட்டின்…

அனுபவப் பகிர்வுகள்2 min read
பசபேரின்பராஜா சஜீத்தன்1 May 2019

சட்டென ஒரு முத்தம்

".......அவளை அப்படியே கட்டியணைத்து முத்தமிட்டு விட்டான். தூரத்தே இதைக்கண்ட அவள் கணவன்....." ******நிரஞ்சன் ஒரு வயசுப் பையன்! அந்த வயதுக்கேயுரித்தான நண்பர் படை, சேட்டை, குறும்பு , கும்மாளம் எல்லாம் வாய்க்கப் பெற்றவன்! சில நாட்களுக்கு…

நிமிடக்கதைகள்1 min read

More in அனுபவப் பகிர்வுகள்

See all