கருப்பு அங்கி

கருப்பு அங்கி…
இது வெறும் துணியல்ல
நான் பட்ட கஷ்டத்தின் சாட்சி
இந்த ஆரம்…
இது வெறும் அலங்காரமல்ல…
என் இடர்களின்
முடிவின் சாட்சி…
​
எத்தனை தூரம்
எத்தனை அலைச்சல்…
சோர்வான பேருந்து பயணங்கள்
சுமையோடு கழித்த இரவுகள்…
​​அத்தனையும் தாண்டி
என்னை தோள் மீது சுமந்து
எனக்காகவே வாழ்ந்த என் தந்தையே…

உம் வியர்வைத் துளிகளுக்கு
இந்த பட்டம் தான்
நான் தரும் பரிசு!
​நீர் கண்ட கனவு
இன்று நனவானது…
உம் பிள்ளை இன்று
பட்டதாரியானது!
இந்த அங்கியும் மாலையும் உமக்கே சமர்ப்பணம்…

ஹஸீதா அபுசாலி
பொத்துவில்