பூக்கள் சூடும் பாவையின் நெஞ்சம்
பூமியில் என்றும் புனிதம் கொள்ளும்
உடலைப் படைத்து உதிரம் கொடுத்து
உயிரை காக்கும் உன்னத இறைவிகள்
மனதின் வலிமை ஆணிலும் பெரிது
மண்ணில் வாழும் பெண்மையே அரிது
வலிகளைத் தாங்கி வழிகள் காட்டும்
வல்லமை நிறைந்த அறிவின் சாகரம்
உருகும் மெழுகாய் உணர்வில் கரைவாள்
உரமாய் இருப்பாள் வெற்றியின் விதைக்கு
வாழ்வின் மேடையில் ஏற்றிடும் வேடங்கள்
வானை மிஞ்சிடும் பாசத்தின் கூடங்கள்
பொறுமையும் பெருமையும் நிரம்பிய பொருளாய்
பொங்கிடும் ஆளுமை அவளின் இயலுமை
தலைமுறை கடக்கும் தரணியின் வேரவள்
தன்னிகர் இல்லா தலைமைக்கு உரியவள்…
தெட்சணாமூர்த்தி கரிதரன்(சம்பூர் சமரன்)
