அருவுருவங்கள்

விம்பங்கள் பல உருவாகின
மனிதனின் சிந்தனைகள் போல
அந்த விம்பங்களுக்கு
நிலை இருக்கவில்லை

மானிடன் உயிர் கொடுத்தான்
ஆனாலும் அவை பேசவில்லை
உடைந்து போனான் மானிடன்
செய்வதறியாது தவித்தான்

தன் மாயவிம்பங்களை
அதனுள் புகுத்தினான்
தன் எண்ணங்களை
அதனுள் திணித்தான்
தன் சித்தாந்தத்தை கொண்டு
அதை செதுக்கினான்
ஆனாலும் விம்பங்கள் பேசவில்லை

இன்னும் ஒரு மானிடன்
கூர்ப்படைந்தான்
விம்பங்கள்
தோற்றுவிடலாம் என
எண்ணினான்.
உருவம் அற்ற
அருவங்களை உண்டாக்கினான்.
அருவங்களுக்கு உயிர் கொடுத்தான்
அருவங்களும் பேச மறுத்தன

உருவங்கள் பேசுகின்றன
அருவங்கள் பேசுகின்றன என
அவை பேசாததை ஏடுகளில் பதிப்பித்தான்
நம்பினர்
உருவங்கள் பேசுவதாய் சிலர்
அருவங்கள் பேசுவதாய் சிலர்

உருவங்களும் அருவங்களும்
பலதாய் பிரிந்தன
மானிடன் முட்டாளானான்
அருவுருவங்கள் உண்டாகின
அருவுருவங்களில்
தன்னை அடிமையாக்கினான்

மானிட சிந்தனை இன்னும் நீண்டது
அவை பொறாமையாக மாறியது
யுத்தங்கள் பல வெடித்தன
இரத்தங்கள் பல தெறித்தன
உயிர்கள் நசுங்கின

அவன் சிந்தனை
அப்போதும் மாளவில்லை
அருவுருவங்கள் பெயரால்
படித்துக்கொண்டே சென்றான்
செல்கிறான்
அப்போதும் அவை பேசவில்லை

இறுதியில்
உண்மையான அருவுருவங்கள்
பேச ஆரம்பித்தன
பேசுகின்றன
இயற்கை எனும் பெயரில்…