எழுந்திடு
விழுகையில் அழுதவனாக இராமல்
எழுந்தவனாக உன் சரித்திரம் மாற்ற
எழுந்திடு !
உன்னை உன் நிலை தாழ்த்தி
உன் ஊக்கம் குறைப்பவர் முன்னே
ஓங்கி வளர்ந்திட எழுந்திடு !
எம்முள் தீயை வளர்த்து
அத்தழல்தனில் குளிர்காயும் கூட்டம் விரண்டிட
ஒற்றுமையாய் எழுந்திடு !
நாம் உண்டு பிறர் தவிக்கும் நிலை தவிர்த்து
வறியோர் மகிழும் நிலை செய்ய
எழுந்திடு !
அறியாமை எனும் காரிருளை
அறிவுத்தீபம் ஏற்றி விலக்கிட
உதய சூரியனாய் இன்றே எழுந்திடு !
தகுதியானவர் ஒதுங்கி விட்டால்
தகுதியற்றவர்கள்களால் ஆளப்படுவாய் என
உணர்ந்து எழுந்திடு !
இன மத மொழி பேதம் கொண்டு
இவ்வையத்தினை நடமாடும் சிறைச்சாலையாய்
மாற்றுதல் தடுத்து பேதம் கொன்று
புத்துலகம் படைக்க எழுந்திடு !
நீ ஜெயம்கொண்ட பாதையை
நீ அறிவாய்
அப்பாதைதனில் இளையோரை
வழி நடத்திட எழுந்திடு !
உன்னைப் போல் இன்னொருவன் இல்லை
இவ் உலகை உயர்த்திட என எண்ணி
எழுந்திடு !
This writing is the work of அஹமட் வஸீமுல்லாஹ், who is solely responsible for its content. The views in it are the author's own and not those of NEERMAI. Writer responsibility · Report a concern
Encourage the writer
This week: write about a letter you never sent
A poem, a story or a few honest lines. Every entry is read by our team.
Start writing
NEERMAI