இலக்கு என்னும் வழிகாட்டி
இல்லத்தில் அன்னை தந்தை
இனிப்பான கல்விக்கு வழிகாட்டி
இறைக்கு இணையான குரு
வீதியில் நல்ல வழிகாட்டி
விபத்தை விலக்கும் குறியீடு
நீதிநெறி நேர்மை வழிகாட்டி
நின்ற மாமறை நூல்கள்
வாழ்வுக்கு நல்ல வழிகாட்டி
வாழ்ந்து மறைந்த மாமேதைகள்
வாழும் நாள்முடிவில் வழிகாட்டி
வாழ்வு தந்த அனுபவம்
தூய்மைத் தமிழுக்கு வழிகாட்டி
தொன்மை மிகும் நூல்கள்
தொலைந்த தமிழ் தேடலுக்கு வழிகாட்டி
தொல் காப்பியமெனும் ஓலை
பண்படுத்த மனதின் வழிகாட்டி
பழமைத் தமிழ் நூல்கள்
அன்பாகும் நல்ல வழிகாட்டி
ஆருயிர் உங்கள் நண்பன்
வெளிச்சம் நல்ல வழிகாட்டி
இரவின் பாதை செல்ல
துணிச்சல் நல்ல வழிகாட்டி
தோன்றும் துயர் துடைக்க
உணர்ந்தால் உலகே வழிகாட்டி
உன்னத வாழ்வை வாழ்வதற்கு
கலகமும் நல்ல வழிகாட்டியேதான்
வழி பிறந்து பாதைவிடுவதற்கு
