மாயோனின் செல்லம்மா#2

#மாயோனின் செல்லம்மா#பாகம்#2
பிரியா விடை பெற்று பிரியங்களை தொலைத்துவிட்டு 
உயர பறக்க துவங்கியதும் உறவுகள் அறுபடுவதை உணர்கிறேன் நான் 
இதோ இன்றிலிருந்து இரு வருடங்களுக்கு மனைவி , மக்கள், உற்றார் , உறவினர்ஏதுமின்றி புதியதோர் உலகில் நான் பிரசவிக்க ஆயுத்தமாகிறேன் !
காலத்தின் கட்டாயமும் காசு பணத்தின்அத்தியாவசியமும்அக்கரை நோக்கிய பயணம் இது 
உணவு முறை மாறக் கூடும் உறங்கும் நேரம் மாறக் கூடும் ஆனால் உணர்வுகள் மட்டும் அடியேய்உந்தன் நினைப்பிலே 
தினம் இரவில் என் மார்மீது உறங்கிய உன் முகத்தின் சுவடுகளும் கூந்தலின் தடங்களும் இனி காண பல விடியல்களாகும் என கவலைகள் ஒருபுறமிருந்தாலும் 
வாழ்வாதாரம் வேண்டியே வழி தேடி செல்கிறேன்
பிரிவுகள் ஒன்றும் புதிதல்லவேஎனக்கு
முதல் நாள் பள்ளி செல்ல முதல் முறையாய் முந்தானை வாசம் மறந்தேன் நொடியும் விடாமல் மடியிலேத்தி வலம் வந்த என் தாயின் பிரிவால் 
அடுத்தடுத்த வகுப்புகள் செல்ல அன்பாய் அறிவூட்டிய ஆசிரியரை பிரிந்தேன் 
பருவங்கள் பழக்கங்கள் மாற நட்பினை பிரிந்தேன் 
இதோ இங்கு மீண்டுமொரு முதலிரவுபல வருடங்கள் கழித்து தனிமையிலே…
அனுதினம்அரவணைத்து உறங்கிய மனைவியும் இல்லை..கட்டியணைக்க 
உறங்கும் முன் கதைகேட்க அர்த்த ராத்திரியில் அவசரம் என‌தூக்கத்தை கலைக்க மழலையும் இல்லை..
நிசப்த அமைதி காரிருள்அசந்து உழைத்ததில்உடல்வலி இருந்தும் மூட மறுக்கிறது இமைகள் உன்பிரிவின் வலியால்…செல்லம்மா..நீயில்லா நாட்கள் நரகமேயடி..- இவன் உன் மாயோன்