அறிவின் தேடல் புலமை சேர்க்கும்
அன்பின் தேடல் உறவை வளர்க்கும்
வாழ்வில் தேடல் உள்ள வரைக்கும்
வாழ்க்கை ஆசைக் காடு வளர்க்கும்
தேடல் வாழ்வில் உள்ள வரைக்கும்
தேவை நெஞ்சில் தேங்கிக் கிடக்கும்
தேடல் அறிவின் தேவை பெருக்கும்
தேர்வில் நல்ல திறனைச் சேர்க்கும்
தேடல் இல்லா உயிரும் இல்லை
தேடலுக்கு முற்றுப் புள்ளி இல்லை
தேடல் நல்ல திசையில் இருப்பின்
தேவை அதுவோ பலனைச் சேர்க்கும்
குணத்தை இழந்த பணத்தின் தேடல்
குதூகலம் இழந்த வாழ்வின் தேடல்
மனத்தில் ஆசை மிகுந்த தேடல்
மனதில் துன்பம் மலரும் தேடல்
