பத்துப் பிள்ளை சுமக்கவும் இல்லை
பாலூட்டி சீராட்டி வளர்க்கவுமில்லை
பத்தாம் தரம் படிக்கும் உனக்கு
படிப்பு முடிவதற்குள் எப்படி கூன் விழுந்தது
இரண்டு பத்துப் பேரிற்கு சமைத்ததுமில்லை
ஈரைந்து பாத்திரங்கள் கழுவியதும் இல்லை
இப்படி நீ இருக்க இவ் வயதில்
இள வயதுக் கூன் எப்படி விழுந்தது
நீ செல்வது உதாரணப் பெண்கள் வழியா! – இல்லை
நீ இங்கு ஏதேனும் கூன் வேடம் போட்டாயா
எதுவும் இல்லை எனும் போது
என் தோழியின் கூன்முதுகின் காரணம் என்னவோ?
புரிந்து விட்டது உன் கூனின் காரணம்
பாலகனாய் நீ இருந்த போதே
பள்ளிக்கூடம் செல்கையில் பத்துப் புத்தகம் சுமந்தாயே
உன் இள வயதுக் கூனிற்கு இதுவே காரணம்
