காற்றழைத்து வந்த தூசுகள் எல்லாம்
கண்களில் புகுந்த போதும் கலங்காத விழிகள் கொண்டவன் நான்
வியப்போடு நிற்கிறேன்
என் விழி தேடி வந்தவளை
விதி கொண்டு சென்றதும்
விழி எங்கும் நீராகிப் போவதையெண்ணி
மங்கை அவள் முகம் கண்ட நொடி
மையல் வந்து மனதை தாக்கியதும்
மெய்யாய்த் தோன்றியது காதல் தானா இது என்று
கண்ணெதிரே காற்றாய் கடந்து செல்கிறாள்
நீரூற்றாய் நிரம்பி வடிகிறது என் காதல்
இருமுகம் காட்டும் கண்ணாடியாய் மனம்
உன் மறுமுகம்தான் அவள் என்கிறது !!
உண்மையாய் இது காதல்தானா
அவள் அருகில் உதட்டினைத் தாண்டி
மொழிகள் வெளிவரத் தயங்குகின்றதே
இதுதான் காதலோ !!
