தேவையான பொருட்கள்:
சிறிய வாழைப்பூ – ஒன்று
தேங்காய்த் துருவல் – ஒரு கப்
கடுகு, உளுத்தம்பருப்பு – சிறிதளவு
மஞ்சள்தூள் – சிறிதளவு
காய்ந்த மிளகாய் – ஒன்று
எண்ணெய் – ஒரு டீஸ்பூன்
உப்பு – தேவையான அளவு
செய்முறை:
- வாழைப்பூவை ஆய்ந்து, நரம்பு நீக்கி நறுக்கி… உப்பு, மஞ்சள்தூள் சேர்த்து வேகவைத்து, ஆறிய உடன் நன்கு பிழிந்துகொள்ளவும்.
- வாணலியில் எண்ணெய் விட்டு கடுகு, உளுத்தம்பருப்பு, கிள்ளிய காய்ந்த மிளகாய் தாளித்து, வேகவைத்த வாழைப்பூ, தேங்காய்த் துருவல் சேர்த்துக் கிளறி இறக்கவும்.
நன்மைகள்:
- வாழைப்பழம் மட்டுமல்ல, அதன் பூவும், தண்டும் கூட மருத்துவ குணம் கொண்டவை. எனவே மாதத்தில் இரண்டு மூன்று நாள்களாவது வாழைப்பூவை உணவில் சேர்த்துக் கொண்டால் நல்லது.
- வாழைப்பூ சாப்பிடுவது உடலுக்குக் குளிர்ச்சியைத் தரும்.
- இதை உரிய வகையில் சமைத்துச் சாப்பிடும்போது உஷ்ணத்தால் ஏற்படும் பலவித நோய்களை, அதாவது, சிறுநீரகம் சார்ந்த நோய்கள், பெண்களுக்கு வெள்ளைப்படுதல் உள்ளிட்டவற்றைக் குணப்படுத்த உதவுகிறது.
- வாழைப்பூ சூப் சாப்பிடுவதன் மூலம் நல்ல பலன் கிடைக்கும். அத்துடன் வயிற்றுப்போக்கு உள்ளவர்களுக்கும் இது ஏற்றது.
