புதிதாய் பூத்ததொரு சாளரம்
ஏன் இத்தனை பிம்பங்கள்
பிரம்மையாகக் கூட இருக்கலாம்
இல்லை இது என்னறைதான்
சூரியனைக் காணவில்லை
வெண்பனி ஓயவில்லை
இடைக்கிடை சிறு சலனம்
திடீரென மௌனம்
மீண்டும் பார்க்கிறேன்
தூரமாக அதே மரங்கள்
சிறகு விரிக்கும் பட்ஷிகள்
ஆனால் ஒரு பாதை தானே
சகதியின் மேலாக இருகிச்
செல்லும் ரயர்கள்
கனதியாக ஒன்றுமில்லை
புதிதாக எதுவுமில்லை
சிதறிய நீர்த்துளிகள் அங்கு
மழை பொழிந்திருக்க வேண்டும்
உணர்ந்துகொண்டேன் அது
உடைந்து போன கண்ணாடி
மீண்டும் மௌனம்.
_நாஓஷி_
