பயணங்கள் வேறுபட்டவை
சில நாளில் ரசிக்கவும்
பல நாளில் வெறுக்கவும்
ஏதோ ஒன்றை நினைத்துத் தொலைக்கவும்
எல்லோருக்கும் ஏதோ ஓர் பயணம் வாய்த்துவிடுகிறது
மனிதர்களிலிருந்து தூரப்பட நினைக்கும் மனம்
சுதந்திரமான பயணங்களையே தேர்ந்தெடுக்கிறது
ஆனால் உண்மையில் பயணங்கள்
நம் அச்சத்தை விட்டும்
நிறைவேறா கனவுகளை விட்டும்
எதிர்கால கடமைகளை விட்டும்
கொஞ்சமாய்
காலதாமதமாய்
அதிகபட்சம் ஆட்கொள்ளும் துயரங்களிலிருந்தும்
அப்போதைக்கு நம்மை கடத்திச் செல்கிறது
ஒரு முடிவிலி என எந்தப் பயணங்களும் நீள்வதில்லை
ஏதோ ஒரு தரிப்பிடம் பயணத்தின் இடையிலோ
முடிவிலோ நமக்காக காத்துக்கொண்டிருக்கிறது
அதுவரை
பிடித்தோ
பிடிக்காமலோ
எல்லோரது பயணங்களும்
நீண்டு கொண்டுதானிருக்கும்
