வாழ்க்கை

காலச் சுமை இறக்கிய
கனரக வண்டிகள்
ஒவ்வொரு சுமையாய் ஏற்றிக்கொண்டு
காலம் கடத்துகிறது

தனித்திருத்தலும் சுமைதான்
சேர்த்திருத்தலும் சுமைதான்
சுமைதான் வாழ்க்கையாகிறது
எதையும் இறக்கி வைக்க

இடம் கொடாத இதயம்
ஏற்றிக் கொள்வதில்த்தான்
காலம் கடத்துகிறது
மூச்சை ஏற்றி இறக்கி

மூட்டை சுமக்கும் வாழ்க்கையை
காலம் இறக்கி வைத்து
பிறர் சுமக்க வைக்கிறது
அதுவரைதான் ஆடிய வாழ்க்கை
அடக்கமாய் ஆறடி நிலத்துள்