ஒவ்வொரு சந்திப்பின் முடிவிலும்
தினசரி கைஅலைபேசியின் உரையாடலின் அந்திமத்திலும்
இதுதான் கடைசி என்ற முத்த சூட்சுமத்தின் அவிழ்ப்பிலும்
இனி எப்போதும் திறக்காது என் கருணை என்ற கண்ணீரின் முடிபிலும்
அலுத்துக் களைத்த அன்பில் இனியும் சண்டையிடத்திராணியில்லை
எப்படியோ ஒழிந்துபோ
என்ற கடைசி அணைப்பிலும்
ஒரு நெருக்கமான அன்பு
பரிச்சயமான உறவு
பழகிய நட்பு
எல்லாமே விடைபெறுகின்றது
