உள்ளவன் செய்த பாவமாம்
சுக்கு நூறாக வேண்டியே
வானவன் சந்நிதியின் வாசலில்
சுற்றி வலம் வந்து
ஆயிரம் வேண்டுதல்கள் முணுமுணுத்தே
உற்ற பலம் யாவும் ஒருங்கேற்றி
ஐயனே துணையென்று
நானும் அடித்துடைக்க
சிதறிய சில்லுகள் உருண்டோட
ஒன்றல்ல இரண்டல்ல
முண்டியடித்தே கரங்கள் பல
முழுவதுமாய் பிய்த்தெடுக்க
நடப்பதை வியந்தே நானும்
பார்த்தது யாதென்றால்
ஓட்டுச்சில்லில் மீதமின்றி கொறித்தெடுக்கும்
பசி கொண்ட பாமரர் தம்
வயிறாற்றிய என் பாவ விமோட்சகன்
அருவம்..
