தேவையான பொருட்கள்:
களைந்து, உலர்த்தி, அரைத்த பச்சரிசி மாவு – ஒரு கப்
தேங்காய்ப் பால் – ஒரு கப்
வெல்லம் – 150 கிராம்
ஏலக்காய்த்தூள், வறுத்த முந்திரி, திராட்சை – சிறிதளவு
நெய் – ஒரு டீஸ்பூன்
உப்பு – ஒரு சிட்டிகை
நன்மைகள்: வெல்லம் பயன்படுத்தி செய்ததால், நீரிழிவு நோய் உள்ளவர்களுக்கு ஏற்ற இனிப்புப் பலகாரம் ஆகும்.
செய்முறை:
- அரிசி மாவு, உப்பு, நெய் ஆகியற்றை வெந்நீர் விட்டு முறுக்கு மாவு போல் பிசைந்து, இட்லித் தட்டில் சிறிய சிறிய தேன்குழல்களாக பிழிந்து ஆவியில் வேகவைக்கவும்.
- வெல்லத்துடன் சிறிதளவு நீர் விட்டுக் கரைத்து, கொதிக்கவிட்டு, வடிகட்டி, தேங்காய்ப் பாலுடன் சேர்த்து கொஞ்சம் சூடாக்கவும்.
- வேகவைத்த தேன்குழல்களை சூட்டுடன் இதில் போட்டு, ஏலக்காய்த்தூள், வறுத்த முந்திரி, திராட்சை சேர்க்கவும். ஒரு மணி நேரம் கழித்து பரிமாறவும்.
