நிசப்தமான என் இரவுகளில் மெல்லிய தூரத்து இசை -நீ
இருள் போர்த்தி இருக்கும் என் இரவுகளில்
சின்னதாய் மின்னும் தூரத்து நட்சத்திரம் -நீ
தனிமை ஆட்கொள்ளும் என் இரவுகளில்
கண்ணீரை தாங்கும் தலையணை -நீ
ஞாபகங்களை மீட்டுத் தரும் என் இரவுகளில்
பசுமையான ஆறுதல் -நீ
கனமான கனவுகள் தோன்றும் என் இரவுகளில்
நிரந்தரமாக தெரியும் அதிசயம் -நீ
இச்சையின்றி முத்தம் பெற முடியாத என் இரவுகளில்
நான் இழந்து விட்ட மொத்தமும் -நீ
உயிர் வாழ்வதென்னவோ நான் தான்
எனை உயிர் வாழச் செய்யும் அத்தனை சொற்களிலும்
மறைந்திருக்கும் அற்புத வார்த்தை நீ என்ற ஒற்றை சொல் தான்…..
