“என்னவனின் இதயத்தில் இடம் தேடுகிறேன்”

கத்தியின்றி யுத்தம் செய்ய கற்றுக் கொண்டவன்
பக்தியுடன் பாசத்தை கற்றுத் தந்தவன்
பேதமில்லா பேரன்பு கொண்டவன்
பேசாமல் இருக்கவும் கற்றுத் தந்தவன்

அத்தனை அத்தனை அழகாய்
இத்தனை இத்தனை இரகசியத்தை
ஒற்றை நிமிடத்தில் உணர்தியவன்
ஒற்றை விழி பார்வையில் என்னை தாக்கி
ஒளிந்து கொண்டானே என் இதயத்தில்….

இதயத்தில் இடம் தேடி அலைகிறான்
அவனே என் இதயமென்று
எப்படி சொல்வேன் நானே!
உரக்க சொல்ல நினைக்கையில்
மௌனமாகிறேன்
மௌனத்தில் சொல்ல விளைகையில்
கண்ணீராகிறேன்…….

எப்படிதான் சொல்வேன்
இதயத்தின் உள்கிடக்கையை
இருட்டினில் வாழும் மெழுகுவர்த்தியை போல்
உருகுகிறேன் அவனுக்காய் உணர்வானோ அவன்

நேசத்தின் உச்சியை கடக்கவுமில்லை
நீண்டநாள் அவனுடன் பேசவுமில்லை
பார்வை பட்ட நொடியே
பாய்ந்திட்டதே அன்பின் அலை

எங்கும் அலைந்து திரியாமலே
மனம் அலைகிறதே
அவனுக்காய் என்று தெரிந்தும்
மனம் மறுக்கிறதே!
நிகழ்காலமும் அவன் நினைவில்
எதிர்காலமும் அவனுடன்
என வாழ்கிறேன் என்னவனுக்காக…..

வழிபிறக்கட்டும் வாழ்கைக்கு
வசந்த காலமே என் எதிர்காலம்
இதை சமர்ப்பிர்க்கிறேன்
உண்மை காதலர்களுக்காய்
விடை பெறுகிறேன் இவ்வரிகளுடன்
உங்கள் அன்பானவளாய்……